كلمات الشاعر/ صبرى عبد الواحد الحساني
معلم سابق بمدرسة الإصلاح الزراعي بنجع حمادى
محافظة قنا جمهورية مصر العربية
أنا صبرى مصرى من الصعيد
أنا فى ايدى يلين الحديد
واللى احبه هيبقى سعيد
اصلى لسانى بينقط سكر
وكل شويه جديد فى جديد
راح تشتقلى وتغرم بيه
مهما كنت عنى بعيد
هى بس حكاية وقت
هتطلب منى تحديد مواعيد
أسأل عنى اقرا اشعارى.
هتعرف انى مميز وفريد
أنا من جيل العمالقه
عن الحق عمرى ما أحيد
أنا مصرى من الصعيد الجوانى
قناوى عمرنا ما كنا لحد عبيد
حسانى شريف هاشمى
حب رسول بيجرى فى الوريد
معلم علمت أجيال
منهم الطبيب ومنهم العميد
يا بخت من كان ضيفى
يطلب وانفذ كل ما يريد
لا عمرى رديت سائل
ولا يوم مديت لحد إيد
حتى عدوى ببحترمنى
من رجولتى مش تهديد
فى الحق أرمى رقبتى
والكل على كده شهيد
زى الجمل تارى ما انساش
وفى الحق دايما عنيد
عنيه بخاطرى خدها
لكن تخونى هتكون قعيد
أنا صبرى حسانى مصرى صعيدى
حب رسولى ببجرى فى الوريد
لو حبيتك يبقى يا سعدك
طول عمرك هتعيش سعيد
لو بصيت فى عنيه هتسرح
. وتسمع كلامى تقول عيد من جديد
اصلى لسانى بينقط سكر
واحب اللى معايا يكون سعيد
أنا صبرى حسانى مصرى صعيدى
حب رسولى بيجرى مع دمى فى الوربد
هو
ليست هناك تعليقات:
إرسال تعليق