........تاهت تعابيري ووقف مقالي
وبين رمشك والكحل هو ميله
..........اتيه وادور لشمسي ضلالي
شاعر ولا فاليد يازين حيله
........ارسمك في حرفي مع اول وتالي
لاهز طياشي وجات الحليله
........إلقاء جوابي ذي محير سؤالي
ماعاد باقي ياغناتي وسيله
........انته غناتي ونت حبي ومالي
ينسان ماولله بالقاء مثيله
........الا محيا صورتك في خيالي
لامر طيفك قام فكري يخيله
.......حتى شعر راسي يلوح بشالي
فيك المحبه والصفات النبيله
.......لاشفتك امسي شخص رايق وسالي
انت الخليل الي يوده خليله
.......ونته بروق العشقه الي تلالي
فطنه مع رقه وقامه طويله
.......والموت فالنظرات يابري حالي
ذكاء اليمامه فيك. فن الجليله
.......أشغلت فكري يوم هو كان خالي
منين اشيل الصبر قولي وجيله
.........منين قولي يابديه الجمالي
مادام. نفسي. فالمحبه عليله
........انت الهواء وانت الحبيب المثالي
ماشفت مثلك فالخيول الاصيله
.......ياليتني فارسك وطوي حبالي
فتنتي القلب الهوي ياجميله
.......تعالي اروي قلب قبل الزوالي
دخيل هذا الخصر ولله دخيله
.......ارميه في يمناي تلقف شمالي
قلم الشاعر عبد الغني يوسف أبو ربيع الشراري الشراري
ليست هناك تعليقات:
إرسال تعليق