حبك انتى
حبك انتى صبح رماد
كنت بحلم انه يكبر
كنت عايزه فى ازدياد
كنت انتظرك فى حلمى
وانتى اخلفتى الميعاد
لومى نفسى ع اللى فات
لحب اصبح ذكريات
مستحيل ارجع لحبك
بعد ما حطمنى قلبك
وعقلى تاه وسط الشتات
كنت افرح وانتى جنبى
بس ده ماضى وفات
دورى على حب غيرى
واتركينى اشوف مصيرى
ياما كان بيننا حكايات
كنت افرد لك جناحى
كنت اشكى لك جراحى
كنت ابكى بين ايديكى
وانتى بتغيبى ساعات
القدر فرق قلوبنا
ربنا يغفر ذنوبنا
وانتى غايبه عن عيونى
ايوه ينقصنى حاجات
بس غيرتك شئ مُحال
مش بتترك لى مجال
انى اتنفس براحتى
كنت اسامحك رغم ظلمك
وانتى ولا مره سامحتى
حبك انتى لهيب ونار
ياما سقتينى المرار
كنت اسكت رغم زعلى
وانتى فاكره ان صمتى
شئ لصالحك وانتصار
فى الوريد كنتى سكُنتى
اه كرهت لما خُنتى
اه بحب الكون بحاله
الا بس حبك انتى
شعر احمد اسماعيل / شاعر العرب
ليست هناك تعليقات:
إرسال تعليق