ياحلوة جوة القلب مرسومة
ومحبتك مكتوبة ومقسومة
حبيتك ومالية فى الحب يد
وعومة على عومك مية عومة
لا وصلت فى حبك بر
ولا قاملى من الهموم قومة
أنا اللى الحب يندهلى
أبيع عمرى وابيع أهلى
واجرى ملهوف على حضنك
تقابلينى بمية لومة
وانا اللى الألم مالٍلى
وقاللى ياواد ماتخللى
همومك عوجت الكومة
وانا اللى الحلم
يوم قاللى
ده بكرة حلو هيحللى
أيام وسنين هتضحكلى
واتاريها كدبة موهومة
وأتارى مافيكى حلم يعيش
ولا فيكى ستر إلا الخيش
وأحلى مافيكى ياحلوة
قاعدة شاى على الكورنيش
وعبده وشادية والحلوة
وسيرة الحب من سومة
سلوى محمود
ليست هناك تعليقات:
إرسال تعليق