حد ياناس يقوللى نكتة
باعنى الفرح وناسية الضحكة
واللى لية عنده بسمة
يرجعها ويخللى الفكة
طول عمرى بفرح الناس
وكلامى وطبطبطى أساس
دلوقتى اللمة خلاص
وحيدة وضلمة السكة
قلبى حزين قاعد ع الدكة
من همه بيعاكس ضحكة
بيقولها يا جميل يامفرفش
إمتى جوا قلبى تعشش
وشى من بعدك كرمش
تقوليلى ابعد أطنش
وهجيبلك مهر وشبكة
بصتلو بحيرة وربكة
وقالتلو مابقاش الا انت
يا ابو دمعة تطفش مية
وآهاتك عالية وعالمية
وأحزانك تريند وماركة
وفضلك ع اليأس تكة
مسكوا في بعض
وقلبت عركة
من يومها قلبى هنج
وبيزك ويحس بشكة
سلوى محمود
ليست هناك تعليقات:
إرسال تعليق