هجيلك
هجيلك لو هخطى بحور
وعطرك فى الفضا منثور
واعيش وياك طوال عُمرى
ولو حتى نفذ صبرى
انا جايه
لانك روحى وحياتى
ونبضى وقلبى مع ذاتى
ولو تقسى انا صابره
حياتى فى البُعاد مُره
انام واحلم بقمر الليل
وطيف مرسوم على الخُضره
ومهما هتبعد المسافات
أنا جايه
مكانك بين ثنايا الروح
وقلبى معاك لفين ماتروح
ولو تبعد فى يوم عنى
اقول ده عيب فى سوء ظنى
ولو موج البحار خدنى
وحاول انه يبعدنى
انا جايه
مابين الموجه والمجداف
وبحر غريق ومنه بخاف
ولو دمعى صبح انهار
مسير ليلى يكون له نهار
تقابلنى باحضانك
وانسى الدنيا علشانك
ساعتها راح اشكر الاقدار
وحشنى الدفئ وحنانك
وابكى دموع فى منديلك
تلاقى نبضى يناديلك
ساعتها حبيبى راح اجيلك
شعر احمد اسماعيل / شاعر العرب
ليست هناك تعليقات:
إرسال تعليق