معلم بمدرسة الإصلاح الزراعي بنجع حمادى
محافظة قنا جمهورية مصر العربية
حبى ليك
حبى ليك ما يتوصفش
حب عاشق للحياه
حب غريق وانتى ليه
حبل منقذ للنجاه
حب قلب ما عرفش قبلك
حب من يوم صباه
حب صادق من غير ما اشوفك
وكنت بادعى فى الصلاه
انى اصادف حب صادق
الاقى افراحى معاه
رغم بعدك والمسافة
حبك فى قلبى ما فى سواه
رغم انك عنى بعيده
لكن طيفك أنا عايش معاه
الحب مش حضن وتلاقي
وحبيب تسهر معاه
الحب معنى شوق ولو لصورة
وتحلم وتتمنى لقاه
الحب افكار بتتلاقى
وكلمه حلوة طالعه من فاه
الحب احلام باللقى
حتى لو صعب لقاه
الحب مش ايدى فى ايدك
والقلب أنت مش جواه
الحب لو بينا بلاد
وبحور وجبل ما أعلاه
لكن قلوبنا بتتلاقى
فى حلم جميل ما احلاه
كلمة بحبك مش كفايه
يا حلم كنت باتمناه
وجانى من ربى هديه
علشان اعيش سعيد معاه
بحبك وهفضل فى قلبى كاتم
خايف اقول تقولى انساه
بحبك وقلبى ما فيهوش غيرك
ولا حد تانى دخل جواه
ماكتى قلبى ملكتى روحى
بكلام جميل انتى كاتباه
قرأته بعينى وسمعته بقلبى
ومن يومها وانا بهواه
دخلتى قلبى وقعدتى فيه
والفرح بقى مكان شقاه
ليكى أنا بأبعت سلام
مع طير فى شربةمسقاه
مع موجه فى البحر اللى كاتم
اسرار كتيره من جواه
مع نسمه طايره فى الهوا
بتقول حبك أنا معاه
بحبك بحبك اكتر من حياتى
رغم استحالة قربك لقاه
كلمات/, صبرى عبد الواحد الحساني
معلم بمدرسة الإصلاح الزراعي بنجع حمادى
محافظة قنا جمهورية مصر العربية
ليست هناك تعليقات:
إرسال تعليق