بص يا زول بص يا صـــاحبي بص يا زلمه بص معايا يا رجال
تبقي سعودي تبقي ماليزي أو مصري او حتى تكون من السنغال
تبقي مسيحي او مسلم كنت يهودي أو ماشي الدنيا دي شمال
كلوا هيسأل كلوا هيتــــــــــحاسب الدنيا امانة مش لعب عيال
هتسأل عن برك عن وصلك عن كله وعن دهبك والله وع المال
جبتة منين اااه وجمـــــــــعتوا ازاي اااه حرام ونهابة ولا حلال
راقب حالك أكرم جارك بر اخوك وداختك واكرم بالمرة الشغال
أكرم زوجتك وارعي عيالك دا أنت هتـــــــــــــــسأل عن العيال
منا قولت امانة وكلوا هـــــيسأل حافظ من قولك ومن الافعال
ازرع شجـــرة تنبت ثمره تهدى لجارك تعيش سعيد مرتاح البال
دينك مش ركعه وشعـــــــــــــــائر وتربي الدقن ومتبقاش فعال
دينك دا شرفك اخــــــــلاصك صدقك في افعالك وفي الاقوال
دينك دا صديقك تخلص ليه وتكون وافي ابعد عن فعل الاندال
ومتشــــــــــــــغلش دماغك بحال غيرك وملكش مين عاد وقال
اكتــــــــــم ستر آلنآس واوعاك تكون لأسرار غيرك فاش ونقال
ربك حددلك علاقــــــــاتك بالمحيطين مش خيانة وجمع أموال
واتكلم عن بر ابوك عن طيب لسانك دا مـــــــسبش حق الشغال
مهو احـــــــــــــنا عبيده نعصي نطيع لينا واقفة مش لعب عيال
نضف قلبك قبل هــــــــــدومك تقل عملك دا هيوزن كلة بمثقال
خلي الضحكة تطلع صافية ساعد وافرح طهر قلبك من الاغلال
طبطب على جارك وقرايبك برالعمه زور العم ود الخاله ود خال
وسيبها عليك المرادي أنت سايبها كله سايبها كل الاهل كل الال
واكرم ضيفك يزيد ايمانك لم لسانك عن عرض اخــــوك الجوال
راجع نفسك في كل احوالك أطعم جائع وادعي بصلاح الأحوال
ربك سامع ربك عالم في دعوة جميلة تتبدل ليك في الحـــــــال
زيد التقوي ينور بيتك واوعاك تظلم واوعي تكون للشـــر ميال
واسأل نفسك قبل ما تسأل ايوة هتسأل سيبك من طول الآمال
عمــــــــــرك غيب ورزقك غيب نام مرتاح أحسن ظنك بالمتعال
أرجع توب واصـــــــــــلح مش عيب كلو سايبها محمول متشال
اقرأ قرٱنه فكر في اياته واتمعن واتدبر ربك ضرب ليك الامثال
ونبيك تمم والله تمم وسابلك دين وشــــــدد علي خرق الغربال
أنت لعبت أو أنت نسيت أرجع فكر ارجع اجــــــمع خير وجمال
وقر عالم فذ وعاجز واصنع جيل واعي وميخافش من الاهوال
بنصح نفسي قبـــــــــل ما اجيلكم دا يا ويله اللي معملش وقال
راجع كل صغيره وكبيره حتي النظرة وسيبك من جمع الأموال
كله سايبها لوحدة وخــــــــــــــالي ومش هينابك غير حتة شال
لا زوجتـــــــــــــــــك نفعاك ولا مالك ولا جاهك ولا حتى عيال
رب التــــوبه رب الرحمة نسألك الجنة نسألك البر وحسن الحال
اجبـــــر حالنا بارك في عيالنا حسن سرايرنا واكرمنا بأجر الدال
لسه شايفها خليجـي كويتي ولا امريكي والله تكون من النيبال
مفيش فرق ومتجـــــمعش غير تقوى وبر في الافعال والاقوال
بقلمي دكتور مدحت مصطفى
ليست هناك تعليقات:
إرسال تعليق