تدري شگد احبك وشكثر اهواك
تدري انت اليه عندي اشتعني
انت الكون.كله الهوى والماي
اذا مقصر بوصفك انت سامحني
علي طاري الگمر بالطاري لو جبناه
يعني انت النقصدك با لحچي نعني
برااءة طفل شايل صافي ما مغشوش
وبنفس الوقت ذباح تذبحني
اذا حبك شرك اعترف انا بهاي
لان انا العبدتك راضي بلعني
يل كلك حلو منين ماتندار
طبعي انا الطمع ارجوك تعذرني
شلت عزة نغس ما ذلهه حد الموت
وگبالك اذلهه والنفس تدني
من تگعد گبالي لاتدير العين
احچيلك غزل ارجوك تسمعني
خليني اعله كيفي والمنع ممنوع
اتذوق بطعمك ليش تمنعني
وصل حد المشاعر بعد ماتنطاق
فك حضنك اليه وگوم شابگني
قلمي زهراء محمد
قلمي زهراء زهراء محمد
ليست هناك تعليقات:
إرسال تعليق