ياشاغل كل افكارى
معايا ف ليلى ونهارى
بحبك حب مالو حدود
ولا انت بحُرقتى دارى
منحتك كل امالى
وليه انت تقيد نارى
وعدتك انى ليك وحدك
ولا قلبى انشغل بعدك
مانالنى فى الهوى الا
خصامك فى الهوى وصدك
صبرت كتير على بُعادك
تغيب مابتيجى فى ميعادك
وليه الظن فيك بيخيب
برغم ان انت اغلى حبيب
سكبت الدمع فى غيابك
وقفت سنين على بابك
ياهاجر اغلى احبابك
انا مليت من الهجران
وصابره عليك بقالى زمان
واقاسى المُر والحرمان
ولا انت فى الهوى دارى
انام واحلم مع جيتارى
ودابت كل اوتارى
ولو تعذيبى شئ مُفرح
خاصم واهجر كمان واجرح
ده حبك والله مالو امان
فعذبنى كمان وكمان
شعر احمد اسماعيل / شاعر العرب
ليست هناك تعليقات:
إرسال تعليق