________
ولعوا في كل صفحات الكتاب
أحرقوا في كل حرف م الآيات
سبوا حتى في رسولنا الكريم
عمر ما يطول السحاب نبح الكلاب
مهما قدوا في المصاحف وبغباء
حبنا وعشقنا لرسولنا زاد
___________________
الكلام مش سبه فيك
الكلام ده سبه فينا
عجزنا في توصيل سماحتك
هى وصمة عار علينا
ياللي جيتنا بالمحبة
ياللي امحيت الطاغينة
كنت في العفو الكبير
المثال والقدوة لينا
مهما سَبوك الأعادي
السماحة دي دين نبينا
_______________.
كُنا أسوء وجهة ليك
وبغبائنا بنعاديك
كُنا كالدبة بغبائها
شوهت أجمل ما فيك
شوهت فيك السماحة
شوهت فيك الصراحة
شوهت فيك المحبة
فالكلاب هاجت عليك
همَ أساءوا بغبائهم
وأحنا جينا كتير عليك
مش هطالبك بالسماح
لشعوب ساءت اليك
اطبق الجبلين عليهم
وخلي ربك نصره ليك
ونزل اللعنات علينا
والطوفان ييجي يبيد
جيل ميعرفش الكرامة
وييجي بعده جيل جديد
جيل ميعرفش الخنوع
جيل مبعرفش الخضوع
جيل بينتج مش بليد
خونَا من قبل الحسين
والنهاردة
خونَا جده من جديد
___________.
المقاطعة مش كلام
أو نصلي ع الحبيب والسلام
المقاطعة في شعب ينتج
كل اكله بالتمام
المقاطعة يعني قوة
فيك شجاعة فيك مروة
المقاطعة يبقى فاسك
هو باب أكلك لناسك
المقاطعة في عقل واعي
وسلاحي أنتجه بقوة دراعي
يومها هنكون أنتصرنا للرسول
يوها نقدر نفتخر
وبشموخ ممكن نقول
إحنا فرسان الرسالة
إحنا أتباع الرسول
هي دي أصل المقاطعة
بالمجادلة والمنافسة والاصول
___________.
شعر/محمد توفيق
مصر_بورسعيد
ليست هناك تعليقات:
إرسال تعليق