يا اعز الحبايب
انا قلبى والله دايب
مشتاق ل اغلى الحبايب
النبض بيناديكى
والروح مشتاقه ليكى
حتى فى عز نومى
احلامى كلها فيكى
ده انتى لروحى الحياه
عشقك مالى سواه
لكن انتى فى الدلال
ماشاء الله عليكى
ساعات ترمى السلام
وخصام كتير أيام
من دمعى بتشربى
واعاتبك تهربى
رحماكى يابنت قلبى
خلينى اعرف انام
مهما تطول الليالى
مع سهرى وانشغالى
هجرك والله حرام
فيها ايه لو توعدينى
وتصالحى ماتجرحينى
وتسيبك م الملام
روحى وروحك نسايب
ومعاكى الجرح طايب
ده انا عمرى كله ليكى
ما انتى اعز الحبايب
شعر احمد اسماعيل / شاعر العرب
ليست هناك تعليقات:
إرسال تعليق