سهرانه عيونك سهرانه
وجفون مشتاقه وحيرانه
فى عيونك سحر بيشغلنى
فى كتابة الشعر بيلهمنى
ورموشك شطى ومرسايا
وحكايه عشق بلا نهايه
وسهرانه عيونك
سهرانه وعقلك فى الماضى
قلبك متمرد مش راضى
طب ليه القسوه من الاول
ماهو ضاع العمر على الفاضى
وسهرانه عيونك
سهرانه وسهرك على عينى
وبنظره عين راح تراضينى
دى اللحظه فى غيابك عنى
اشواقى اليكى بتكوينى
وسهرانه عيونك
ارجوكى حبيبتى كفايه سهر
ودموع على ذكرى ضاعت هدر
فى بُعادك عنى غاب القمر
دى حياتى ماتسوى من دونك
انا عاشقك ايوه ومجنونك
انا عمرى ما فكرت اخونك
وقاسيت المُر مع ظنونك
ومابين اوهامك وخيالك
مازالت سهرانه عيونك
شعر احمد اسماعيل / شاعر العرب
ليست هناك تعليقات:
إرسال تعليق