القلب...
سيغفر الله ذنوبي
الشيطان...
كيف وأنت تعصاه؟
القلب...
اعصاه ولكني اخشاه
الشيطان...
تخشاااه ههههههههههه
القلب...
نعم يا ملعون اخشاه واعلم اني اعصاه واطلب منه مغفرتة ورضوانه فقد قالي لي نبيي إن الله لا يمل حتي تملوا
الدنيا....
ههههههههههه
القلب...
ما المضحك في الأمر؟
الدنيا...
اغريته حتي اعتاد العصيان
القلب...
لا يا متاع الغرور ليس الأمر كذلك
الدنيا....
كيف؟
القلب...
أنا لا اعصي ربي استهانه بحقه ولا حباً فيكٍ فأنت دنيه ولكنه ضعف نفس وهوى وادعوا الله ان يتوب على انه هو التواب الرحيم
الهوى...
انا جيت اهو مين بينادي عليا؟
القلب...
خد يا هوى عايزك فى كلمتين
الهوى...
عيوني يا قلبوب
القلب...
قلبوب ماشي ما علينا بص يا هوى عايزك تعمل كل حاجه نفسك فيها بس في طاعة رب العالمين
الهوى...
ازاى يعني مش فاهم؟
القلب...
هفهمك كل حاجه بص يا حبيبي
تمتع وتزاور وصادق وحب واتجوز وخلف وافرح واتهني بس بعيد عن خلق الله
الهوى...
مش فاهم؟
القلب...
عارفك هتتعبني بس هاجاوبك
بص يا سيدي حبيبك النبي قال المسلم من سلم المسلمون من لسانه ويده تمام يعني اعمل كل اللي نفسك فيه بس بعيد عن حقوق النااس يعني لا تظلم ولا تقهر حد ولا تغتاب حد ولا تسخر وتتنمر على حد وبر قرايبك وود جارك وبر أمك وابوك وحب اخواتك واكرم زوجتك قوي وملكش بركه الا عيالك وخلي بالك من الغلبان والفقير والمحتاج وخليك ذوق ومحترم وخليك بسوم وبشوش وخليك هين ولين وساعد خلق الله بكل اللي تقدر عليه حتى لو بالكلمه الحلوه واتبسط يا عم...
حد قالك إن ربنا خلقنا عشان يعذبنا ويقهرنا ويحرمنا والله العظيم ربك بيحبنا موت دا احنا عياله احنا خلقه حبايبه...
كل الموضوع إن الشيطان الملعون بيضحك عليكم
الشيطان...
ايييييييه؟!
القلب...
اسكت يا ملعون أنت وجندك لما اتكلم مسمعش صوت أمك الوسخ وأنا موجود هو انت عشان معفن ورمه وواطي وحقير مع ربك عايزنا كلنا زيك لأ طبعا احنا عبادة بنحب طاعته وسعادتنا في حبه ومش معني إنك ضحكت علينا وغفلتنا اننا منتعلمش من غلطنا لأ فوق وغور من حياتنا لعنة الله عليك
كلنا هنتصالح كلنا هنحط ادينا في بعض عشان نقهرك من حياتنا وكون أنك لما تكبرت على ربك في عدم السجود لابونا ادم مفكرتش تتوب وتعتذر لانك وسخ ونتن فدي حاجه ترجع لغباء أمك ياملعون
انما احنا غيرك احنا بنحب ربنا واول ما بنغلط بنتوب وهنراجع حساباتنا بجد مع كل اللي زعلناهم ووجعناهم وظلمناهم وقهرناهم واغتبناهم وخضنا في اعراضهم ونتوب ونستغفر رب العالمين وبإذن الله ربنا هيتوب علينا وهيصلح احوالنا وذرياتنا وارزقنا وصحتنا وكل من له حق علينا وهاغيظك اكتر يا نتن...
دا احنا هنستغفر للي ماتوا من حبايبنا واهلينا وامواتنا اللي سبقونا عشان حبيبنا النبي قال لينا اذا مات أبن آدم انقطع علمه إلا من ثلاث ومنهم ولد صالح يدعوا له...
هندعي كلنا لاهالينا وهنعمل خير كتير مع كل اللي حوالينا وهنفرح ونضحك ونتهني بنعم ربنا علينا وهنخزيك يا ملعووون...
لازم نقتل الشيطان في قلوبنا في حياتنا في علاقاتنا في كل علاقتنا مهما كانت...
صفحة جديدة...
بسم الله
حب.. كرم.. جود..ذوق.. ادب..اخلاق.. جدعنه..شهامه.. مروءه.. متخافش كله راجعلك كل الحلو اللي هتعملوا هيرجعلك وزياده..
يلا نكمل.. حنيه.. مواسيه.. مراضيه.. عطاء... صفاء.. نقاء.. شرف.. هيبه... عزة.. كرامه.. عمل... اجتهاد.. علم.. نور.. خير.. سعادة.. سرور.. بهجه.. جبر خاطر...
تعالي اصبر... امك.. ابوك.. اختك.. اخوك.. ابنك.. بنتك... جارك.. صاحبك.. عمك.. خالك.. خالتك.. عمتك.. مراتك.. اهلها.. صحابها.. الفقير.. المريض.. المسكين.. اليتييييم. ملكش بركه إلا هو الارمله.. المطلقه.. العاجز... كبير السن.. والصغير.. الطويل.. والقصير.. من الاخر عيش إنسان الله يرحم والديك انت وهو..
تؤمروني بحاجه
ربنا يفرحكم ويسعدكم وينجحكم ويستركم ما يفضحكم ويخلف عليكم ويعوضكم ويجبر خاطركم ويبهجكم ببركة الصلاة على الحبيب النبي وآل بيته الطيبين الطاهرين اجمعين..
حقكم عليا لو مسبتش حد ولا حاجه إلا لما فكرتكم بيها بس ده من حبي فيكم نفسي في الجنه الاقيكم ونتهني كلنا بصحبة نبيكم...
بجد نفسي كل اخ واخت صاحب وصاحبه صديق وصديقه اب وام زوج وزوجه حبيب وحبيبه ابن وابنه يقرأ كلامي ده يبدأ بدايه جديده..
عايزين نفرح نفسنا نحب ونتحب نفسنا نود ونتود نفسنا نكرم ونُكرم نفسنا نحسن ويحسن الينا يلا بقي فرحوني وقولوا حاضر يا ابيه مدحت ههههههههههه ربنا يفرحكم يارب...
بقلمي اخوكم حبيبكم دكتور مدحت مصطفى
ليست هناك تعليقات:
إرسال تعليق