رساله من زوجه إلى زوجها في الغربه 👇
بلاش تعتذر
انا شايفه وحاسه وعارفه
حتى لو متكلمتش
أو مغضبتش لكن هفضل ساكته
مش أشتكي و أعيط زي العيال
ولا أدعي في الصلاه والسلام
لأ متخفش ومتقلقش
أنا كمان بنت أصول
للعيش والملح أصون
على الحلوة والمُرة معاك أكون
بلاش تعتذر
خلي البساط أحمدي
بلاش تصعبها عليا وعليك
مش عايزة تحكيلي أعذار
وتبرر المواقف و تزيد الحوار
أنا متأكدة إنك معايا ب روحك وقلبك
وحبي شاغل فكرك ليل ونهار
عادي يعني الموضوع دة إحنا كبار
كل اللي عايزاة منك حب وشويه دلع
معلش أصلي غاويه نعنشه وولع
مادام الحب بينا عمار والعيال ماليه الدار
والصراحه بينا ومفيش اسرار
يبقى خلاص هو دة المهم وبلاش أفكار
حتى لو سبتني وسافرت
دة إنت في الغربه ياما عافرت
دة أنا ياما معاك فرحت
بلاش تكبر الموضوع أنا ما اشتكتش
دة إنت غبت علشان أحنا منتبهدلش
وعلشان تعمل عيله لازم تجيب القرش
خلاص يا ابن الناس متعتذرش
دة أنا صابرة وراضيه بس إنت حاول متغبش
علشان العين بتسأل عليك ومتدمعش
والعيال بدأت تكبر وتحتاجلك إنت أكتر من القرش
بلاش تعتذر
وأنا عارفه إنك على غيابنا متقدرش
لكن كل دة علشان خاطر إحنا منتبهدلش
كارمن كارمن
ليست هناك تعليقات:
إرسال تعليق