ياللي عينك ع القصيدة بتشوفيها
ممكن تبقي ليا و تبقي فيها
قلبي شايفك ايوه عايزك
كمليها
اوعى تمشي وتسيبيها
النصيب ممكن يكون
صورة كلمة او عيون
ضحكة بسمة بالجفون
حاجة لينا و بنلاقيها
النصيب لازم يصيب
ولا حرام ولا هو عيب
زي ما في ناس تغيب
تيجي ناس ونحس بيها
وانتي ياللي فيكي مني
انتي تكفى انتي تغني
يعني م الاخر تحني
في اي كلمة بتقوليها
قلبي هيحكيلك عليا
لما هتبصي ف عنيا
لما هتدوبي ف ايديا
حاجات كتيرة هتعرفيها
قربي لي وبكره شوفي
ليكي قلبي عليكي خوفي
بكره تتكتبي بحروفي
دواوين العشق ماليها
وهتبقي جنتي الخالدة
وقصة ف الغرام جامدة
هتبقى واحدة مش واحدة
هتبقى الدنيا وما فيها
حبيبتي أرضى وسمايا
ملاكي وشوقي وهوايا
كلامي ولحني وغنايا
ووردة بروحي بارويها
صباحك هو دا عيدي
مساكي دا لحواديتي
وحضنك ايوه دا بيتي
وعيني انتي امانيها
صباحك عيدي
احمد صبري
ليست هناك تعليقات:
إرسال تعليق