اتحسرى
اتحسرى على حب ضاع
وانا اكتفيت من الخداع
كان حلم فيه كل الامل
بس انتهى بكلمه وداع
اتحسرى على ذكريات
على حب صادق عدى وفات
كان حب عاصف كله روايات
دلوقتى جايه تندمى
انا قلبى مات ولا تعلمى
امتى حبيبتى هتفهمى
ان اللى فات اصبح سراب
بستان ورود اصبح خراب
وانتى السبب فى كل ده
انا عيشت ايامى ف عذاب
لو الدموع تشفى الجراح
كنت بكيت مسا وصباح
بس القدر قال كلمته
والقلب دبلت فرحته
وزرعتى شوك ويا الجراح
ودموع اهات فى سكته
لو تندمى طول السنين
لو تحلفى مليون يمين
انك خلاص راح تفهمى
وللنصيب هتسلمى
ومن بُعادى تتألمى
ده درس قاسى فى الغرام
ياريت ياعمرى تتعلمى
انا قلتلك راح تخسرى
روحى لغيرى لو تقدرى
وانتى مازلتى تتحسرى
شعر احمد اسماعيل / شاعر العرب
ليست هناك تعليقات:
إرسال تعليق